គួរឱ្យអស់សំណើច ហេង នរៈកក្កដា ដល់ថ្នាក់មានអ្នកសុំទិញខោក្នុង

នេះគឺជារឿងមួយដែលអស់សំណើចហើយក៏ជារឿងដែលគួរឱ្យភ្ញាក់ផ្អើលដែលបុរសម្នាក់ដែលបានឆាតមកសុំទិញខោខ្លីនៅខាងក្នុងចាស់ៗរបស់លោក ហេង នរៈកក្កដា រឿងមួយនេះបានធ្វើឱ្យមានការចាប់អារម្មណ៍យ៉ាងខ្លាំងពីសំណាក់អ្នកគាំទ្រនិងអ្នកដែលនិយមប្រើប្រាស់នៅលើបណ្តាញសង្គមហ្វេសប៊ុក​ (ហាហា…) ។

ករណីនេះបានកើតឡើងចំពោះ​តារាសម្តែង នរៈកក្កដា ដែលជា​តារាសម្តែងកំពុងពេញនិយមក្នុងស្រទាប់មហាជន ដោយមានបុរសម្នាក់ បានសុំចែក​ទិញខោក្នុង ឬលីអូ ចាស់ៗ ដែលតារាខាងលើឈប់ស្លៀក ។​ បុរសដែលសុំចែកទិញនោះបានសរសេរ​ជាអក្សរឡាតាំងប្រកបជា​ភាសាខ្មែរថា «B Nhom Jg buy underwear b jas jas del b chob Sleak na b Mean ot b?» ដែលមានន័យថា«បងខ្ញុំចង់ទិញ​ខោក្នុងបងចាស់ៗ ដែលបងឈប់ស្លៀកណា បងមានអត់?»។

សូមជម្រាបថា តារាសម្តែង​ខាងលើបានថត​យកមកបង្ហោះ នៅលើបណ្តាញសង្គមនារសៀលថ្ងៃទី13 ខែវិច្ឆិកា ឆ្នាំ​2018 ថា«ចុមគេគិតអីនឹង? មិចបានមកចង់ទិញលី​ឯងចឹង?​ លីអូពេញផ្សារមិចមិនទៅទិញ? ឯងកើតស្វាយផង ស្រែងផង ចង់មកទិញរបស់ឯងទៀត ស្អីក៏មានដែរលោកអើយ » ៕